期權係𧗠生工具, 即係同underlying product(股票)掛鈎.
股票升跌, 又同市場掛鈎, 市場有多少資金流入, 都會影響市場氣氛, 再而影響股價升唔升得起. 就算係好股票, 但係冇熱錢, 市場一潭死水, 塘水滾塘魚, 好難會炒起個價.
兜左幾個圈, 都係想講就算有好好嘅投資工具 (股票又好期權又好), 做哂分析 (基本又好技術又好), 有哂諗法, 練哂一身好武功, 但係放喺錯嘅市場, 最後結果都未必贏.
相反, 只要揀啱市場, 市場有資金, 有足夠深度同寬度, 自然事半功倍.
大環境嚟講可以話係”趁勢”嘅打法.
就好似之前話買樓收租, 大家都係收租樓, 但英國同香港可以完全唔同, 股市一樣.
所以投資除咗揀對的工具, 都要揀對的市場
寫完英國樓收租, 寫香港樓
做過十年租客, 亦都買過樓出租俾人住. 買香港樓收租係咪回報好嘅投資工具？
如果講每個月嘅租金net cash, 香港樓回報率已經好低, 普遍2-3%, 聽講豪宅可以低過1%, 甚至負數
除非全新樓, 否則租客打嚟話塞渠, 廁所天花板滴水, 冷氣機漏水, 呢啲都係業主責任. 身為業主都希望租客住得開心gei, 不過就煩少少囉. 如果租客搬走左, 又要清潔/翻新吓個單位先放租
呢啲都係鎖碎事, 單計P&L:
無論有冇mortgage/leverage, 論cash flow, 期權勝
既然放租每月回報少, 所以普遍嘅諗法都係”用租養樓”, 賺樓價升值
香港樓嘅Capital Gain, 無懸念, 過去幾十年到今日, 已經有幾十, 甚至過百倍回報. 根據中原樓價指數, 過去5年每年複式7%左右
從表中計算, 5年總回報(收租加樓價升值), 都係期權勝
如果計算10年總回報, 終於收租樓追番平手
呢啲只係單憑算式去計算, 比較表面, 未進一步考慮樓宇/租客質素, 股市波動, 香港經濟等等. 只係用歷史數據做假設.
世界已經係知識型社會, 以前冇得揀, 依家我會prefer對住電腦做分析多過對住租客.
今年半年未過, IB+TD加埋嘅盈利已經過咗60萬, 多過收兩年租金.
全年盈利好大機會多過上年, 自己又打咗針, 年底可以去Achiever’s Club喇 !
上一篇講過玩期權, 12% return 一年係基本. 以下係一個佛系例子:
AT&T 算係美股之中派息穩定嘅股票 (過去5年), 就算2020年covid, 都keep住冇減到派息
年息7.07%, 美帝要收股息稅30%, 所以我哋只可以袋4.95厘
杜先生講過, 做short put, 要用現金做hedging. 做short call, 就要有貨, 輪流交替.
開張接近一年嘅 short put at the money, i.e. short put $29@Jan 2022 (235 days), 收$2.29 premium
因為唔駛俾稅, 即係一年收premium $2.29/235 日 x 365日 = $3.56, 有12.1厘喎
如果到期唔駛接貨, premium袋袋平安
如果要接貨, 就開short call.
舉例之前高位$30 SP接左貨, 依家輸緊$0.53. 唔緊要, 開 short call $30@Jan 2022(235 days), 收 $1.25. 同時呢段時間每季正股會派息俾你, 加埋都有11.3%
2015年手痕買左間英國樓收租, 經歷多年脫歐談判, 2020英國上半年lockdown. 最後多謝Boris Johnson嘅stamp duty holiday政策, 上年年中放咗盤唔夠一星期, 好快confirm咗個客, 甩咗手, 收咗租5年有多.
睇番個回報, 除非好熟當地租樓需求, 如果唔係真係咪攪, 嘥時間
錢已經攞番哂, 轉左場玩期權, 回報比較如下:
期權要有1% return一個月, 應該係基本.
TD戶口, 穩陣少少咁trade, 雖然回報低啲, 經歷二/三 & 五月市場殺估值, YTD keep到有11% return. 目標由全年14%已經可以調升到15-18%
層英國樓有冇capital gain ? 有, 5年有10% 咁多囉 ⋯⋯
仲有如果唔係stamp duty holiday, 冇一年半載都唔駛諗住層樓賣得出
有時間下次寫埋港樓收租比較
聽到一個笑話, 話依家好多人去掘礦. 如果俾外星人見到, 會笑我地呢班地球人, 有一班人出咗條題目, 然後另一班人用咗好多地球嘅資源去解密解題, 真係得啖笑
地球嘅資源已經唔夠, 究竟係咪大家仲想咁樣走落去, 定係攬炒完又走去第二度, 今次要移民去火星先得
五月份開局好差, 四月份已經諗住五月要做少d單, 天使同我講要小心d, 始終有sell in May 同埋業績期. 但係魔鬼又同我講三月先大調整完, 冇咁快五月又嚟嘅.
依家好似做生意咁, 每個月睇住P&L, 又要留意嚟緊幾個月嘅利好利淡消息, 始終期權係玩 Buy and Sell, 每個月單單清, 股票係玩 Buy and Hold. 如果冇自省, 盤生意會愈做愈蝕, 唯有不斷檢討.
今次決定以後嚴格執行破高位減持, 因為既然每個星期每個月都可以開單, 如果已經做到數, 就唔需要賺盡. 「贏谷輸縮」都係留番俾d高手啦.
