期權係𧗠生工具, 即係同underlying product(股票)掛鈎.
股票升跌, 又同市場掛鈎, 市場有多少資金流入, 都會影響市場氣氛, 再而影響股價升唔升得起. 就算係好股票, 但係冇熱錢, 市場一潭死水, 塘水滾塘魚, 好難會炒起個價.
兜左幾個圈, 都係想講就算有好好嘅投資工具 (股票又好期權又好), 做哂分析 (基本又好技術又好), 有哂諗法, 練哂一身好武功, 但係放喺錯嘅市場, 最後結果都未必贏.
相反, 只要揀啱市場, 市場有資金, 有足夠深度同寬度, 自然事半功倍.
大環境嚟講可以話係”趁勢”嘅打法.
就好似之前話買樓收租, 大家都係收租樓, 但英國同香港可以完全唔同, 股市一樣.
所以投資除咗揀對的工具, 都要揀對的市場
(SPY vs 2800 十年圖, yahoo finance)
如何準確捕捉時機？ 這真是一大學問。Cons 兄擅長買賣期權，但若一開SP就遇上逆市，是否會如期接貨？
回覆刪除好多人都話開得SP, 就預咗接貨. 我初初玩SP, 都會好乖咁接貨, 然後開SC. 呢個係跟足書本嘅指引. 雖然冇錯, 不過啱唔哂
刪除依家我會睇哂我個portfolio表現, 再睇手上現金, 同埋要接貨嘅近排表現, 而選擇:
1. 乖乖咁接貨, 然後開價內/價外SC, or
2. 接咗貨之後跟住即刻走貨, SC 都唔開, 費事眼冤, 開過第二隻算, or
3. Roll (轉倉) 去兩星期或一個月後, 同價, 甚至乎roll 低d價位, 降低之後接貨機會
如果唔係太入價, 會用1).
如果入價 > 5%, 我會用 2) 或 3). 不過 99%時間用 3) 都可以解決問題.
例如四月ARKK正股做緊 $126, 我開左五月@$110 SP. 結果佢跌穿過$100, 我冇接貨, 一路roll, 終於roll到上星期五, 成功唔駛接貨, 仲賺埋兩個月嘅時間值.
好彩今年2-5月殺估值加通脹都係用呢幾招安全過左.
多謝分享，明白!Con兄真厲害呢！ 真的要多多學習。👍
刪除太客氣喇, 我都係學習中. 從網友, 身邊朋友, 市場上都可以有得著
刪除自己知道long side唔叻, short side似乎啱我性格
之前講接唔接貨, 幾時接, 幾時唔接, 係一種概念, 唔係規則. 我諗起張無忌學太極劍, 愈學就愈忘記, 其實已經融入咗自己. 所以要明白背後理念, 再自己發揮
希望你愈睇愈唔記得我寫咩 ….
Con兄，轉倉意思係咪long put平倉，再開同價SP?
回覆刪除係. 不過轉倉通常係一步做哂, 直接揀過轉倉價 (SP premium 減 long put premium), 就會平舊SP, 再開新一張SP.
刪除但係有啲broker未必有得一次過轉倉, 要分開兩steps