有青

公司要我哋幾位同事考試攞証書

我冇得揀, 去到呢個年紀, 都唯有托住副漸進老花眼鏡, 攞起幾本參考書, 認真溫習咗一個月, 仲特登考試前請幾日假閉關. 好彩結果pass

另外有幾位同事, 一個三十幾歲, 兩個廿幾歲有青, 心口有勇字, 求其讀吓就衝去考, 結果全軍盡墨. 考完問我, “點解試題咁難嘅”

之後果位三十多歲有青, 上淘寶買咗啲試題答案番嚟, 再考, 又肥. 今次佢話 “啲問題答案都唔準嘅”, 然後放棄考試

另外兩位後生嘅, 斷斷續續, 終於花咗一年時間, 唔知考咗幾多次試, 好嘢, 終於pass

廢佬嘅我知道自己時日無多, 唯有盡快完成手頭工作, next please!

有青知道時間就係自己優勢, 一年時間啫, 豪得起 !

再別英Sir

偶像英sir因為要專心做番好基金表現, 所以暫時封筆及暫別傳媒訪問(佢依家係清緊之前應承咗嘅訪問).

佢對上一次封筆係2020年3月, 不過用咗2個月就收復失地. 今次同上一次唔同嘅係有通脹, 加息, 收水….

一直都欣賞佢對投資嘅正面心態, 知道現今市場比1998/2008/2020年唔同左, 難咗好多. 雖然自己勁左, 但係對手亦都變強左. 不過佢冇放負, 離場只會失去對市場嘅觸覺. 所以要調整心態:

• 唔好執著過去, 轉換心情先係贏家
• 大家都覺得難玩, 不要自貶
• 透過細注碼交易去重拾信心
• 買股票唔係迎合自己口味, 係要知道當刻市場需要什麼

https://youtu.be/SqTXyGsx4-A

股市投資冇單一方程式, 唯一不變嘅就係要不斷學習同思考方法, 調整策略去應對市場變化.

我希望可以同樣用兩個月時間去收復今年失地, 重新開始, keep fighting !