偶像英sir因為要專心做番好基金表現, 所以暫時封筆及暫別傳媒訪問(佢依家係清緊之前應承咗嘅訪問).
佢對上一次封筆係2020年3月, 不過用咗2個月就收復失地. 今次同上一次唔同嘅係有通脹, 加息, 收水….
一直都欣賞佢對投資嘅正面心態, 知道現今市場比1998/2008/2020年唔同左, 難咗好多. 雖然自己勁左, 但係對手亦都變強左. 不過佢冇放負, 離場只會失去對市場嘅觸覺. 所以要調整心態:
- 唔好執著過去, 轉換心情先係贏家
- 大家都覺得難玩, 不要自貶
- 透過細注碼交易去重拾信心
- 買股票唔係迎合自己口味, 係要知道當刻市場需要什麼
股市投資冇單一方程式, 唯一不變嘅就係要不斷學習同思考方法, 調整策略去應對市場變化.
我希望可以同樣用兩個月時間去收復今年失地, 重新開始, keep fighting !
其實如果知道佢基金回報，就知道佢冇咩值得學習嘅地方，除了跟紅頂白，諗唔到其他形容詞。
回覆刪除好多基金佬都冇辦法迫住要跟紅頂白, 因為如果同大市差太遠, 啲客都走人. 同埋炒股有時真係幾講 Fund flow, 揀啲冷門少少嘅公司, 堅持自己果套, 分分鐘又好似上年契媽咁, 未挨到終點已經俾人離棄
刪除佢揀股嘅論點有時我唔係好buy, 不過投資嘅心態我就幾欣賞. 當然最後都係睇基金表現, 佢上年又真係唔合格嘅 🙅🏻
黃Sir基金過往十年表現優秀啊！
刪除十年表現優秀？頭幾年冇表現，到2015年有啲起色，怎知2016年又嘔返出嚟，10年回報全靠2017年，除非你低位買佢基金，要hold都幾難捱。
刪除2015-2021年, BRK 升左200%, SPY 231%, 佢基金 213%
刪除佢基金由大約2010年開始，計埋頭幾年，扣埋管理費先至講，攞最靚個幾年講冇咩意思。買基金同買二三線股一樣大起大落，有咩意思。
刪除我都係見你寫2015年, 我就求其攞嚟比較吓. 我冇計過由再早啲或遲啲, 整靚條數先寫出黎架. 睇黎你真係好唔like佢, 哈….
刪除我都有啲KOL好唔鍾意, 見親佢地只係放負. 可能我係需要正能量鼓勵支持繼續走下去嘅人, 喺黃sir身上我係搵到我想聽嘅嘢啦
很喜歡聽黃國英的評論 見解比較獨到及有啟發性 不同一般財演只懂說一堆阿媽是女人的
回覆刪除啱, 佢有啲睇法都幾獨特. 例如基金依家第一大持倉, 竟然係KRBN. 相信好少基金佬會留意同咁樣持倉.
刪除不過佢講譚仔同富途我就唔係好同意, 成日覺得佢係被逼焗住去唱好
新年快樂, 祝你今年搵到新突破
回覆刪除Xie Xie. 祝你身體健康, 大家開開心心
刪除