一向都有聽沖San直播, 每星期二/五, 一路聽一路睇住美股.
上星期五邀請左兩位”全港社區抗疫連線”嘅義工分區組長, 蔡總&Nat姐, 講吓佢哋嘅工作同感受, 好感激佢哋同義工們對社會嘅付出.
我哋唔一定需要所有野都靠政府去統籌, 自發組織去貢獻社會, 政府從旁協助, 社區力量有時更快更有效率
以下係觀塘區組長, 蔡總嘅部份對話分享:
「見到一個著到靚靚嘅呀太, 揸住駕Land Rover SUV, 擸起衫袖就將啲貨抬上車」
「呢啲係藥(蓮花清瘟)嚟, 如果我哋可以及時派到有需要嘅人手上…如果佢哋食咗就唔會死, 梗係愈快愈好」
「有一晚凌晨12點, 有一位義工將我嘅留言, 做咗份計劃書出嚟, 解釋得好詳細俾所有義工知 …. 我收到份文件都喊咗出嚟.
因為果陣時壓力太大….四點幾訓咗落床, 五點鐘就醒, 因為文件未做好….」
「我好感恩喺呢條路上俾我見到呢一班香港人, 原來香港人仲咁有呢股熱情. 我同其他義工咁講, 我希望有一日我可以除低口罩, 喺街上行可以見到香港人嘅笑容, 可以回到原本我哋嘅生活」
「有一個深黃嘅義工,
佢同我講 ”隊長, 我喺群組唔夠膽開聲, 我覺得你哋呢班人好好, 但我覺得唔知點解同你哋格格不入”
我話 ”係咪因為物資係中央援港”
佢話 ”係”
我話 ”咁又點呢, 我唔分黃藍, 你硬要俾一個顏色的話, 我係紅色, 黑頭髪, 黃皮膚, 黑眠珠, 我係中國人. 你唔好同我講黃藍, 總之嚟做一件有意義嘅事, 咪一齊做囉”」
「永遠做一件事, 唔會百份百人都啱聽, 總有一啲人, 玩嘢果班永遠撩啲嘢出嚟反對, 反對, 再反對, 我哋唔好跌落呢啲思想陷阱」
「著住保護衣喺街度行, 街坊就會覺得你係怪物, 但我哋義工冇介意, 繼續做, 繼續流汗, 我哋啲福袋入面有一包兩公斤嘅米, 攞住買餸車, 放八包, 總共十六公斤, 拉住喺條街上行, 仲要著住件防護衣, 成身汗, 跨區咁拉, 就係為咗派俾人」
「心態同打工完全唔同, 個個都想做最難嘅野, 個個都想為其他人做野 ….
如果兩腳一伸果秒, 我諗我做咗呢件事無悔, 我感染咗好多人. 香港人鬱悶咗好耐, 大家要有動力去拼搏, 香港成日講獅子山精神, 唔係搵口講, 做出嚟, 但係我遇到」
「好多獨居老人唔係冇野食, 日日對住四幅牆, 佢哋係要人關心」
我哀心感謝你哋為香港人嘅付出 🙏🏻🙏🏻🙏🏻
仲有Nat姐
