公司要我哋幾位同事考試攞証書
我冇得揀, 去到呢個年紀, 都唯有托住副漸進老花眼鏡, 攞起幾本參考書, 認真溫習咗一個月, 仲特登考試前請幾日假閉關. 好彩結果pass
另外有幾位同事, 一個三十幾歲, 兩個廿幾歲有青, 心口有勇字, 求其讀吓就衝去考, 結果全軍盡墨. 考完問我, “點解試題咁難嘅”
之後果位三十多歲有青, 上淘寶買咗啲試題答案番嚟, 再考, 又肥. 今次佢話 “啲問題答案都唔準嘅”, 然後放棄考試
另外兩位後生嘅, 斷斷續續, 終於花咗一年時間, 唔知考咗幾多次試, 好嘢, 終於pass
廢佬嘅我知道自己時日無多, 唯有盡快完成手頭工作, next please!
有青知道時間就係自己優勢, 一年時間啫, 豪得起 !
偶像英sir因為要專心做番好基金表現, 所以暫時封筆及暫別傳媒訪問(佢依家係清緊之前應承咗嘅訪問).
佢對上一次封筆係2020年3月, 不過用咗2個月就收復失地. 今次同上一次唔同嘅係有通脹, 加息, 收水….
一直都欣賞佢對投資嘅正面心態, 知道現今市場比1998/2008/2020年唔同左, 難咗好多. 雖然自己勁左, 但係對手亦都變強左. 不過佢冇放負, 離場只會失去對市場嘅觸覺. 所以要調整心態:
股市投資冇單一方程式, 唯一不變嘅就係要不斷學習同思考方法, 調整策略去應對市場變化.
我希望可以同樣用兩個月時間去收復今年失地, 重新開始, keep fighting !
有網友問到有咩方法入手搵到唔同嘅美股, 了解佢哋有冇向上嘅trend, 同埋隻股票嘅IV高低等.
我試講吓我日常點做功課:
Finviz (stock screener & heatmap)
https://finviz.com/screener.ashx
呢個website幾好用, 可以filter stocks by 基本分析及技術分析, 視乎你自己係邊一派, 然後輸入參數, 例如PE, RSI, SMA, … 又有sector, industry, 可以由自己有興趣或熟悉嘅板塊開始先
除咗stock filtering, 仲有heatmap 圖. 可以用graphical 方法去表達邊隻強勢股/弱勢股. 格仔愈大, 市值愈大
入門梗係搵啲市值大嘅公司開始, 例如FAANG, JPM, SBUX, V, TSM 等
SeekingAlpha
當有一堆stocks filter咗, 可以去SeekingAlpha 逐隻了解吓, 例如Company Profile, News, Revenue trend (Annually / Quarterly), Earning Estimates, Dividend history, etc.
我係基本分析派, 會睇簡單 financial statements, earning release, guidance. 我相信如果公司next Q guidance唔差, 正常股價都會有唔少支持. 就算季中跌, 接近新一季業績前又好大機會上升番, 因為大家又憧景新一季業績
IB
最後就係點樣check隻股票嘅IV. IV 愈高, 波幅愈大, premium 就會收(或付出) 愈多.
IV高, 如果做short side, 就好似你賣緊醫療保險俾一位老人家. 佢俾高保費你, 自然又好大機會claim你保險.
咁點知隻股票IV 高唔高呢？可以去番IB, 加 “IV Last” 去 watchlist度:
我自己有套準則, 如果想搵每月1% premium return, 可以選擇IV 30-40嘅股票, 會比較安全.
呢啲都係好基本嘅功課, 我得閒就做, 一星期七日, 全年無休, 諗到睇到有咩新insights, 就會搵吓相關股票. 好似依兩個月不停SC TLT (treasury bonds), 就係睇佢債息升債價跌. 又或者騰訊減持SE, 又可以望吓SE最近咩業績, 甚至乎有咩同業. 如果唔差, 又可以加入watchlist留意吓
唔同市況, 我會有唔同操作. 有時會揀多啲傳統股, 有時又會揀吓tech 股, 又會揀吓高IV, 低IV. 總之不斷同市場把脈, 我watchlist起碼有50隻股票以上monitor 緊, 不同sectors, 又不停review佢哋新聞, 業績同guidance.
咁樣先至可以好快將弱勢股剔除喺我嘅portfolio, 繼續move on 搵好公司
自從今年年中玩 KWEB, BABA 輸過一大舊錢, 已經戒咗唔玩中概股. 如果想玩大陸股, 會選擇去番自己A股市場玩.
另外一隻玩過嘅中概股就係FUTU. 年初谷到上去 $200, 我玩果陣時已經係跌咗一半之後嘅$100. 再睇埋業績, 諗吓佢嘅Target Addressable Market (TAM) 有跟本性問題, 於是叫啲friends唔好再玩呢隻股票, 結果依家可以再跌多六成, 得番$3x/4x. 𢴇番身彩
做FUTU股東唔得, 不過做用家, 我就俾like.
之前寫過佢係冇option strategies玩, 呢個係缺點, 希望佢哋可以認直研究吓可唔可以offer到
但佢個Apps啲資訊我就幾鍾意, 港股/美股/A股啲新聞, 又快又齊, 財務報表又幾易睇
最近研究埋買基金, IB基金minimum $3000美金, 無論買幾多錢只收$6 commission. 我以為IB已經好抵, 出面銀行收緊3%認購費
喺FUTU竟然最少可以認購USD $100, 認購費係$0.
做FUTU用家另一好處係間公司都幾燒錢去做promotion. 由我開戶入錢到依家嘅一個月, 除咗有兩股免費AAPL, 又會送唔同類型嘅卡券 coupons, 有現金回贈, 或提高息率等. 只要完成一啲任務就可以行駛. 暫時都收咗二百幾蚊 coupons回贈現金, 啱晒我呢啲cheap人貪小便宜 🤗
佢又可以將你戶口裏面嘅idle money, 轉入貨幣基金, 每日收利息大概0.3%. 如果十萬蚊本金, 一星期收$5息左右, 好過冇啦. 試過將錢轉出轉入, 冇伏位, 唔錯. 又可以申請”自動申贖”模式, 當要買股票, 會自動由貨幣基金贖回現金買股票, 唔駛自己兌換. 都諗得幾貼心
之前有用開嘅TD Ameritrade撤離香港market, 有諗過搬d錢去FUTU, 不過因為option strategies未齊, 唯有轉埋去IB, FUTU係輔助.
最後, 今年回報…. +18%, 絕對有改善空間.
Angelina Yao, 來頭不小, 分析雖然好學院派, 但係又好convincing, 好全面.
第一次聽佢講 talk, 係今年二月, 當時已經叫人switch 去 value stocks, 唔好玩 high tech 股.
Become a Long term investor
- 掌握每個倉位大細
- 懂得版塊輪動
- 增加對公司業務的了解
- 用 ETF 做主要持倉
- 目標製造每年 10-15% 回報
佢雖然係鬼鬼哋嘅 Chinese, 但係又好清楚國情, 非常犀利, 絕對係真香港人, 做實事, 完全掌握中西文化.
港版契媽, 俾個 like 你.
都要多謝葳葳 & Sun Channel, arrange 咗今次嘅 interview, 又學到嘢 !
