4.95% 股息變做 12%

上一篇講過玩期權, 12% return 一年係基本. 以下係一個佛系例子:

AT&T 算係美股之中派息穩定嘅股票 (過去5年), 就算2020年covid, 都keep住冇減到派息

年息7.07%, 美帝要收股息稅30%, 所以我哋只可以袋4.95厘

(*source from seekingalpha)

杜先生講過, 做short put, 要用現金做hedging. 做short call, 就要有貨, 輪流交替.

首先AT&T 現價 $29.43

開張接近一年嘅 short put at the money, i.e. short put $29@Jan 2022 (235 days), 收$2.29 premium

因為唔駛俾稅, 即係一年收premium $2.29/235 日 x 365日 = $3.56, 有12.1厘喎

如果到期唔駛接貨, premium袋袋平安

如果要接貨, 就開short call.

舉例之前高位$30 SP接左貨, 依家輸緊$0.53. 唔緊要, 開 short call $30@Jan 2022(235 days), 收 $1.25. 同時呢段時間每季正股會派息俾你, 加埋都有11.3%

預計下半年到明年初間中都會吹吓加息, 市場會震盪中渡過, 所以要步署吓開多幾張呢種short put, 減輕開倉壓力

英國樓收租 vs 期權收息

2015年手痕買左間英國樓收租, 經歷多年脫歐談判, 2020英國上半年lockdown. 最後多謝Boris Johnson嘅stamp duty holiday政策, 上年年中放咗盤唔夠一星期, 好快confirm咗個客, 甩咗手, 收咗租5年有多.

睇番個回報, 除非好熟當地租樓需求, 如果唔係真係咪攪, 嘥時間

錢已經攞番哂, 轉左場玩期權, 回報比較如下:

期權要有1% return一個月, 應該係基本.

TD戶口, 穩陣少少咁trade, 雖然回報低啲, 經歷二/三 & 五月市場殺估值, YTD keep到有11% return. 目標由全年14%已經可以調升到15-18%

層英國樓有冇capital gain ? 有, 5年有10% 咁多囉 ⋯⋯

仲有如果唔係stamp duty holiday, 冇一年半載都唔駛諗住層樓賣得出

有時間下次寫埋港樓收租比較

外星人笑地球人

聽到一個笑話, 話依家好多人去掘礦. 如果俾外星人見到, 會笑我地呢班地球人, 有一班人出咗條題目, 然後另一班人用咗好多地球嘅資源去解密解題, 真係得啖笑

地球嘅資源已經唔夠, 究竟係咪大家仲想咁樣走落去, 定係攬炒完又走去第二度, 今次要移民去火星先得

五月份開局好差, 四月份已經諗住五月要做少d單, 天使同我講要小心d, 始終有sell in May 同埋業績期. 但係魔鬼又同我講三月先大調整完, 冇咁快五月又嚟嘅.

依家好似做生意咁, 每個月睇住P&L, 又要留意嚟緊幾個月嘅利好利淡消息, 始終期權係玩 Buy and Sell, 每個月單單清, 股票係玩 Buy and Hold. 如果冇自省, 盤生意會愈做愈蝕, 唯有不斷檢討. 

今次決定以後嚴格執行破高位減持, 因為既然每個星期每個月都可以開單, 如果已經做到數, 就唔需要賺盡. 「贏谷輸縮」都係留番俾d高手啦.

鬼同你OT

投資係一種要求自我反省, 尋求進步嘅一種工具.  要不停反省, 檢討, 有紀律, 不斷進步, 才能成功. 否則只會一次又一次輸錢, 直至冇哂錢, 或冇哂癮, 離開賭枱.

啱啱就見到一位90後靚女, 佢嘅進步程度真係令我覺得”匪夷所思”. 果位就係FYY

佢自從選完港姐入咗娛樂圈, 除咗靚, 其中最令人印象深刻就係佢說話嘅懶音

估唔到, 真係估唔到, 佢啱啱喺配音節目上嘅演出, 完完全全脫胎換骨. 佢嘅聲演, 無論咬字, 節奏, 你會深深感受到佢背後所付出嘅努力, 好令人感動.

雖然佢唔係喺投資上有進步, 但每次見到有人能面對挑戰, 克服自己缺點, 無論識唔識得, 都會好開心.

FYY, 你好犀利 !

唐伯虎

最近一直進修期權操作, 閲讀杜嘯鴻先生嘅一系列期權書籍, 因為有好多實戰例子, 所以好易睇, 不過要思考背後理念.

尤其係鍾意佢分享一d期權principal:

“Short是本大利小, 但其實利不小, 因為贏面大, 輸的機會小.

  Long是本小利大, 但其實利不大, 因為贏面小, 輸的機會大”

“做股票期權的最高境界就是產生每月的現金流”

“主體策略應該是以short為主, Long輔之”

世界上最大嘅空間, 就係進步嘅空間. 可以參考高手嘅投資操作, 如果再透過實踐去加深體會, 會好治愈 !

FB 出咗業績, FAANG中升得比較勁果隻.

之前一月果陣時向上開咗張一年後SP @ $260, 當時正股只係做緊$25x, premium 收$40. 依家正股已經做緊$326, 尾燈都見唔到, 張SP唔駛四個月食左75%. 可能會向上推多少少, 再賺多啲.

開SP果陣時有人提醒過點解仲開FB, 話被追擊, 再跌機會唔細. 周星馳唐伯虎果句啦: 世人笑我太瘋癲，我笑他人看不穿

四月又完, Month over Month NLV有+4%, 未係最好嘅一個月, NLV又大咗, 之後未必有咁嘅升幅. 目標每個月正2-3%現金流, 暫時都keep到.

期權FB group

https://www.facebook.com/groups/1135636340164036