最近一直進修期權操作, 閲讀杜嘯鴻先生嘅一系列期權書籍, 因為有好多實戰例子, 所以好易睇, 不過要思考背後理念.
尤其係鍾意佢分享一d期權principal:
“Short是本大利小, 但其實利不小, 因為贏面大, 輸的機會小.
Long是本小利大, 但其實利不大, 因為贏面小, 輸的機會大”
“做股票期權的最高境界就是產生每月的現金流”
“主體策略應該是以short為主, Long輔之”
世界上最大嘅空間, 就係進步嘅空間. 可以參考高手嘅投資操作, 如果再透過實踐去加深體會, 會好治愈 !
FB 出咗業績, FAANG中升得比較勁果隻.
之前一月果陣時向上開咗張一年後SP @ $260, 當時正股只係做緊$25x, premium 收$40. 依家正股已經做緊$326, 尾燈都見唔到, 張SP唔駛四個月食左75%. 可能會向上推多少少, 再賺多啲.
開SP果陣時有人提醒過點解仲開FB, 話被追擊, 再跌機會唔細. 周星馳唐伯虎果句啦: 世人笑我太瘋癲，我笑他人看不穿
四月又完, Month over Month NLV有+4%, 未係最好嘅一個月, NLV又大咗, 之後未必有咁嘅升幅. 目標每個月正2-3%現金流, 暫時都keep到.
期權FB group
https://www.facebook.com/groups/1135636340164036
恭喜師兄贏錢，有問題想請教：為何Con兄不選擇每月開倉呢？開一年後SP 跟每月做SP x12張比，哪一項會更好？
回覆刪除
刪除呢個問題問得好, 我上年都同戰友討論過. 理論上每個月開, 開十二個月嘅回報係多個一次過開一年.
但客觀睇其實兩件事又沒太大關係, 長期短期我都會開. 長期可以鎖定一年回報率, 然後間中趁回調開短期去增加額外回報. 長期short put暫時佔我TD戶口60%, 然後用戶口剩低嘅資金去打游擊.
我仲有一個IB戶口, 主攻短期, 就比較勞碌, 不過回報/波幅的確係高啲
開遠期, 一定要揀穩定而又強股, 我最近就開左Verizon添. Let’s see.