2022年1月5日星期三

一得閒就做功課

有網友問到有咩方法入手搵到唔同嘅美股, 了解佢哋有冇向上嘅trend, 同埋隻股票嘅IV高低等.


我試講吓我日常點做功課:

  1. Finviz (stock screener & heatmap)
  2. Seekingalpha
  3. IB


Finviz (stock screener & heatmap)

https://finviz.com/screener.ashx

呢個website幾好用, 可以filter stocks by 基本分析及技術分析, 視乎你自己係邊一派, 然後輸入參數, 例如PE, RSI, SMA, … 又有sector, industry, 可以由自己有興趣或熟悉嘅板塊開始先





https://finviz.com/map.ashx

除咗stock filtering, 仲有heatmap 圖. 可以用graphical 方法去表達邊隻強勢股/弱勢股. 格仔愈大, 市值愈大

入門梗係搵啲市值大嘅公司開始, 例如FAANG, JPM, SBUX, V, TSM 等




SeekingAlpha

當有一堆stocks filter咗, 可以去SeekingAlpha 逐隻了解吓, 例如Company Profile, News, Revenue trend (Annually / Quarterly), Earning Estimates, Dividend history, etc.

我係基本分析派, 會睇簡單 financial statements, earning release, guidance. 我相信如果公司next Q guidance唔差, 正常股價都會有唔少支持. 就算季中跌, 接近新一季業績前又好大機會上升番, 因為大家又憧景新一季業績





IB

最後就係點樣check隻股票嘅IV. IV 愈高, 波幅愈大, premium 就會收(或付出) 愈多.

IV高, 如果做short side, 就好似你賣緊醫療保險俾一位老人家. 佢俾高保費你, 自然又好大機會claim你保險.

咁點知隻股票IV 高唔高呢?可以去番IB, 加 “IV Last” 去 watchlist度:




我自己有套準則, 如果想搵每月1% premium return, 可以選擇IV 30-40嘅股票, 會比較安全.



呢啲都係好基本嘅功課, 我得閒就做, 一星期七日, 全年無休, 諗到睇到有咩新insights, 就會搵吓相關股票. 好似依兩個月不停SC TLT (treasury bonds), 就係睇佢債息升債價跌. 又或者騰訊減持SE, 又可以望吓SE最近咩業績, 甚至乎有咩同業. 如果唔差, 又可以加入watchlist留意吓


唔同市況, 我會有唔同操作. 有時會揀多啲傳統股, 有時又會揀吓tech 股, 又會揀吓高IV, 低IV. 總之不斷同市場把脈, 我watchlist起碼有50隻股票以上monitor 緊, 不同sectors, 又不停review佢哋新聞, 業績同guidance.

咁樣先至可以好快將弱勢股剔除喺我嘅portfolio, 繼續move on 搵好公司

2022年1月1日星期六

再談牛牛

自從今年年中玩 KWEB, BABA 輸過一大舊錢, 已經戒咗唔玩中概股. 如果想玩大陸股, 會選擇去番自己A股市場玩.

另外一隻玩過嘅中概股就係FUTU. 年初谷到上去 $200, 我玩果陣時已經係跌咗一半之後嘅$100. 再睇埋業績, 諗吓佢嘅Target Addressable Market (TAM) 有跟本性問題, 於是叫啲friends唔好再玩呢隻股票, 結果依家可以再跌多六成, 得番$3x/4x. 𢴇番身彩


做FUTU股東唔得, 不過做用家, 我就俾like.

之前寫過佢係冇option strategies玩, 呢個係缺點, 希望佢哋可以認直研究吓可唔可以offer到


但佢個Apps啲資訊我就幾鍾意, 港股/美股/A股啲新聞, 又快又齊, 財務報表又幾易睇

最近研究埋買基金, IB基金minimum $3000美金, 無論買幾多錢只收$6 commission. 我以為IB已經好抵, 出面銀行收緊3%認購費

喺FUTU竟然最少可以認購USD $100, 認購費係$0.




做FUTU用家另一好處係間公司都幾燒錢去做promotion. 由我開戶入錢到依家嘅一個月, 除咗有兩股免費AAPL, 又會送唔同類型嘅卡券 coupons, 有現金回贈, 或提高息率等. 只要完成一啲任務就可以行駛. 暫時都收咗二百幾蚊 coupons回贈現金, 啱晒我呢啲cheap人貪小便宜 🤗






佢又可以將你戶口裏面嘅idle money, 轉入貨幣基金, 每日收利息大概0.3%. 如果十萬蚊本金, 一星期收$5息左右, 好過冇啦. 試過將錢轉出轉入, 冇伏位, 唔錯. 又可以申請”自動申贖”模式, 當要買股票, 會自動由貨幣基金贖回現金買股票, 唔駛自己兌換. 都諗得幾貼心




之前有用開嘅TD Ameritrade撤離香港market, 有諗過搬d錢去FUTU, 不過因為option strategies未齊, 唯有轉埋去IB, FUTU係輔助.



最後, 今年回報…. +18%, 絕對有改善空間.






2021年8月10日星期二

港版契媽

Angelina Yao, 來頭不小, 分析雖然好學院派, 但係又好convincing, 好全面.

第一次聽佢講 talk, 係今年二月, 當時已經叫人switch 去 value stocks, 唔好玩 high tech 股.


Become a Long term investor

- 掌握每個倉位大細

- 懂得版塊輪動

- 增加對公司業務的了解

- 用 ETF 做主要持倉

- 目標製造每年 10-15% 回報


佢雖然係鬼鬼哋嘅 Chinese, 但係又好清楚國情, 非常犀利, 絕對係真香港人, 做實事, 完全掌握中西文化.

港版契媽, 俾個 like 你.


都要多謝葳葳 & Sun Channel, arrange 咗今次嘅 interview, 又學到嘢 !


Interview Part 1

Interview Part 2




2021年8月1日星期日

唔停得

上半年一直都可以打贏美股大盤, 包括 S&P 同 Nasdaq. 結果七月恆指怒插, 將整體回報拉低. 今年第一次按月負回報.


NLV July

YTD

S & P

2.27%

17.02%

IB

-1.578%

15.07%

Dow Jones

1.25%

14.14%

Nasdaq

1.16%

13.85%

TD Ameritrade

-1.24%

11.62%

HSI

-9.94%

-4.66%

HSI tech

-16.85%

-19.52%


美股升到咁高, 中丐股係有分散投資嘅諗法, 亦有SP 其他國家 ETF 嘅做法, 甚至 SP/SC Treasury bond, REITs, Materials等等.

既然執行得分散風險, 如果某一版塊下跌, 都唯有硬食. 依家希望再搵多幾個版塊, 將個别版塊下跌嘅影響力拉低


至於港股, 如果仔細睇, 只有個別版塊如科技平台同醫藥股跌幅較大, 而汽車股, 港交所, 友邦等相對硬淨. 港交所一個月 +7%, YTD +16.7%, 所以一直堅持平衡版塊.


八月尾Jackson Hole meeting, 然後減少買債, 收水, 通脹, 加息 ….. 一系列消息接踵而來.

股市就係咁, 冇得停, 呢個亦都係吸引嘅地方, 因為要不斷思考同反應….. 所以頭髮都白哂 😵‍💫

2021年7月28日星期三

正能量 !

今個星期港股大跌, 自己手上中概股期權跌到一仆一碌, 入哂價.

見到好多網友心情都麻麻, 希望借紅猴嘅一篇文章為市場注入正能量:

===============================================================

高瓴資本的張磊在投資公司上是長期主義的表表者,他曾分享在十多年前應對「金融海嘯」時的所思所想,值得大家重溫。現在大家身處的中國政府監管風險,並非宏觀經濟危機,程度和「金融海嘯」相差還遠。

「在市場陷入谷底的時刻,信仰決定了看待這場危機的視角。任何一場世紀性的危機都異常恐怖,但我們始終相信長期主義,相信人們有智慧、有辦法化解它。」

「歷史長河中,如果給你一塊硬幣賭人類命運的話,你應該永遠相信人們的智慧和企業家精神,我們決定義無反顧地等待危機過後市場的反彈。這不僅僅出於我們對於市場的判斷,更關鍵的是企業家的能力給了我們十足的信心,我們投資這些企業中不乏或擁有偉大格局觀的創業者、企業家,以及最勤勞的員工,他們都是最紮實的奮鬥者。在這樣的氛圍下,我們不能輕易錯過市場觸底反彈的機遇,我們的信心在這個時候反而很強烈,幫助我們在市場的雜亂訊號中找到最終的方向。」

「我們相信,每一次重大危機都是一次難得的際遇和機會,尤其需要珍惜。危機是一場不折不扣的壓力測試,讓我們看清到底誰在裸泳。在危機出現的時候,投資人能否堅持初心,堅持反覆強調的價值觀,就顯得尤為重要。真正穿越周期的投資機構,往往做到既看到眼下,時刻做好打算;又目光長遠,不為一時一地而自亂陣腳。」

https://www.facebook.com/109551593324/posts/10158393679173325/?d=n