投資係一種要求自我反省, 尋求進步嘅一種工具. 要不停反省, 檢討, 有紀律, 不斷進步, 才能成功. 否則只會一次又一次輸錢, 直至冇哂錢, 或冇哂癮, 離開賭枱.
啱啱就見到一位90後靚女, 佢嘅進步程度真係令我覺得”匪夷所思”. 果位就係FYY
佢自從選完港姐入咗娛樂圈, 除咗靚, 其中最令人印象深刻就係佢說話嘅懶音
估唔到, 真係估唔到, 佢啱啱喺配音節目上嘅演出, 完完全全脫胎換骨. 佢嘅聲演, 無論咬字, 節奏, 你會深深感受到佢背後所付出嘅努力, 好令人感動.
雖然佢唔係喺投資上有進步, 但每次見到有人能面對挑戰, 克服自己缺點, 無論識唔識得, 都會好開心.
FYY, 你好犀利 !
最近一直進修期權操作, 閲讀杜嘯鴻先生嘅一系列期權書籍, 因為有好多實戰例子, 所以好易睇, 不過要思考背後理念.
尤其係鍾意佢分享一d期權principal:
“Short是本大利小, 但其實利不小, 因為贏面大, 輸的機會小.
Long是本小利大, 但其實利不大, 因為贏面小, 輸的機會大”
“做股票期權的最高境界就是產生每月的現金流”
“主體策略應該是以short為主, Long輔之”
世界上最大嘅空間, 就係進步嘅空間. 可以參考高手嘅投資操作, 如果再透過實踐去加深體會, 會好治愈 !
FB 出咗業績, FAANG中升得比較勁果隻.
之前一月果陣時向上開咗張一年後SP @ $260, 當時正股只係做緊$25x, premium 收$40. 依家正股已經做緊$326, 尾燈都見唔到, 張SP唔駛四個月食左75%. 可能會向上推多少少, 再賺多啲.
開SP果陣時有人提醒過點解仲開FB, 話被追擊, 再跌機會唔細. 周星馳唐伯虎果句啦: 世人笑我太瘋癲，我笑他人看不穿
四月又完, Month over Month NLV有+4%, 未係最好嘅一個月, NLV又大咗, 之後未必有咁嘅升幅. 目標每個月正2-3%現金流, 暫時都keep到.
期權FB group
https://www.facebook.com/groups/1135636340164036
IB 可以開sub account, 好處係可以即時internal accounts transfer cash or positions, reports同performance等可以分開計.
上年已經開咗sub account, 今年初決定用primary account去做期權, 再將賺番嚟嘅期權金部份轉去sub account去玩正股
一月primary account 成績幾好, 所以將部分profit 撥去sub account. 注碼比primary account小巫見大巫, 冇咩所謂, 志在吸收經驗, 練習操盤. 至於揀嘅球員暫時都係前鋒, 冇中場冇後衞, 球員唔啱踢即換走, 唔需要SH. 呢一刻只得四五個球員, 踢緊嘅只係小型五人足球場.
亦都因為戶口細嘅原因, 主攻型, 容易處理, 回報唔錯, YTD 37%.
玩多一兩個月, 球會同班主如果再搵多d 錢, 應該可以加多兩三個球員, 到時可以買啲中場番黎, 轉去踢七人場
今年年尾可以組成full team, 到時就有前鋒中場同後衛
然後踢英冠, 上英超, 踢歐霸杯, 最後歐聯, 哈哈
香港股票市場, 如果有番少少要求, 跟本冇可能滿足到. 比起美國賭場, 真係差太遠, 尤其係期權嘅深度 (strike prices) 同濶度 (contract expirations).
可惜大家呢幾年都仲係攬住以前嘅核心價值喺度磨, 諗住以前係點點點幾好. 其實 .... 真係好?
既然已經打咗兩針疫苗, 睇黎明年北海道滑雪之旅應該可以準備吓, 於是去國泰網站望吓票價.
跟住得閒順便又睇吓國泰股價啦, 再同美國DAL 股價比較, 咦, 不如開番張 293 一年後Long Call 先:
1000 (shares) x $0.55 @ $8, 30 Mar 2022 = $550
如果一年後去到$10, LC = $(10-8.55) x 1000 = $1450 (+260%)
諗住買番十令廿張 long call, 換番個free Hokkaido trip
條數就係咁計, 可惜一落盤, 先發現成個市場得我一個喺度咁樣玩, 冇market maker, 冇liquidity.
點解冇 ? 可能市場太細, 除咗香港人, 冇人識CX, 又冇人玩遠期options ...
冇對手, 真冇癮
P.S. 出咗post一日, 雖然都係成交唔到, 不過見到有人剛喺$6.5 開倉, 唔知係咪路過嘅網友跟買呢
今日有幸同偶像英sir傾左45分鐘, 只可以講我呢個散戶, 無論操盤技巧, 市場分析, 同心理質素都差佢幾皮 (其實唔駛傾都知), 所以都係搵佢幫手trade吓.
佢performance一定做得好過我, 主力幫我賺capital gain. 我自己就繼續trade SP賺premium
英sir同意short put好處係可以夠鐘就賺錢走, 唔駛好似正股咁自己去揀timing幾時放, 分分鐘strong hold 到落番嚟買入價得個吉.
佢建議我唔駛食到尾, premium得番一毫幾子可以走左先, 因為值搏率已經唔高, 賺盡都係得幾毫子.
佢仲叫我要控制注碼, 唔好因為賺咗錢滾大咗個本, 而愈炒愈大. 呢個係我強項啦, 嚴守三條紅線.
我又問佢今日開一年後騰訊$600 short put, 都有10%喎, 抵唔抵, 佢話可以考慮ga !
佢仲話有間ibank最近offer 俾客仔, atm 一年後嘅爸爸及騰訊有40厘添 !!! 條件係一定要兩隻一年後同時高於現價先得, ibank真係咩都有得賭 !
依家終於等到三頭馬車ready喇 (IB, TD 同 英sir), 希望今年各自順利達標, yeah !
