英sir你好

 

今日有幸同偶像英sir傾左45分鐘, 只可以講我呢個散戶, 無論操盤技巧, 市場分析, 同心理質素都差佢幾皮 (其實唔駛傾都知), 所以都係搵佢幫手trade吓.

佢performance一定做得好過我, 主力幫我賺capital gain. 我自己就繼續trade SP賺premium

英sir同意short put好處係可以夠鐘就賺錢走, 唔駛好似正股咁自己去揀timing幾時放, 分分鐘strong hold 到落番嚟買入價得個吉.

佢建議我唔駛食到尾, premium得番一毫幾子可以走左先, 因為值搏率已經唔高, 賺盡都係得幾毫子.

佢仲叫我要控制注碼, 唔好因為賺咗錢滾大咗個本, 而愈炒愈大. 呢個係我強項啦, 嚴守三條紅線.

我又問佢今日開一年後騰訊$600 short put, 都有10%喎, 抵唔抵, 佢話可以考慮ga ! 

佢仲話有間ibank最近offer 俾客仔, atm 一年後嘅爸爸及騰訊有40厘添 !!! 條件係一定要兩隻一年後同時高於現價先得, ibank真係咩都有得賭 !

依家終於等到三頭馬車ready喇 (IB, TD 同 英sir), 希望今年各自順利達標, yeah !

三條紅線

之前post左唔少點樣開short put去賺錢。而近排見唔少人開SP都輸, 包括身邊隊友, 覺得有啲可惜

我一直認為short put就好似做定期咁, 用比較大嘅資本去賺取利息. 

不過做定期, 都唔應該因為要賺更多定期利息而去做土耳其里拉 (14%), 分分鐘賺粒糖輸間廠, 所以我亦都唔會因為要賺少少premium而特登去做高IV short put. 呢個概念同買債卷一樣, 愈高息, 愈高風險, 等價交換

我有三條紅線, 一定唔會超越, 可能就係咁令我由上年年中到今日(11個月), 都只係得一個月輸錢 (last Nov, -1%), 其餘時間每個月都可以賺錢, 包括今年二月同三月

• #1 唔可以over trade, 但可以做槓桿 (eg 做按揭供樓低於入息50%咪叫槓桿, 多過入息50%咪over trade)
• #2 唔可以揀股唔睇埋基本面, 包括revenue / operating cash flow / earning estimation
• #3 同一隻股票唔可以開好多張SP

呢啲係呀淼都知, 但係身邊嘅人就一直犯呢啲錯, 係人性嘅貪念.

你可以打敗呀淼, 你咪贏錢囉

股市週年紀念

唔會用 “股災週年紀念” 呢啲咁嘩眾取寵嘅標題, 不過呢個月的確連英sir都慨歎係股災, 而CDE基金 YTD 仲 -8% ⋯⋯ 但係我相信佢哋今年會追番 

上年3月15日美股見底, 跟住一路升到年尾, 今年唔知會唔會再次發生呢⋯⋯發夢ing

慶幸我兩個戶口YTD 仍然 meet targets. 或者 target set 得低啦, 所以都算平平穩穩. 買得大, 自然贏輸都大, 我慢慢 trade, 贏輸自自然然都會較少

三月啲期權完哂, YTD: IB +7.15% (full year target 24%), TD +6.1% (full year target 14%)

真係估唔到 TD 個戶口咁被動都可以做得唔錯, 單單三月都有+2.9%, 有必要檢討吓兩個戶口策略, 取長補短.

其實都係x噏, 答案好簡單, 兩個字 - “好彩”

毋忘初心

玩咗咁耐期權, 都係得一招Naked Short Put. 不過so far TD 呢個戶口manage得好好, 又meet 到target, 同好輕鬆咁過咗坐過山車嘅二月尾三月頭

值得貼堂, 去提醒自己, “毋忘初心”

倉位主要分兩部份, 一年期short put, 同一個月short put兩種, 目標全年14% return

一年期short put, 目標全年賺9%, 總收$11k premium

最緊要開大藍籌股, FAANG最啱, low risk, steady growth. 我估一年後嘅AAPL生意唔會大幅倒退

而剩番5%就係由開一個月嘅short put去負責, 每個月賺$600

食雞糊, 密食當三番, 唔好貪, 每個月開夠數就OK (不過間中都會偷吓雞, 偶爾開到$1k, 當係bonus, 或者補貼吓d輸錢positions)

最後當然睇住個maintain margin, 唔好over trade, keep住$40k margin樓下就perfect

去到三月中呢一刻, 做緊YTD 5.6% return, Keep Fighting !!!!

社會上, 市場上, 不斷有好多noise, 唯有 “毋忘初心”

賣樓成功 !

 2020年, 有幾大轉變, 一如半年前的計劃, 啱啱將自己兩間收租嘅樓賣左(一間英國一間香港), 開始進入另一種模式

英國樓 - 買, 唔難. 租出, 亦唔太難. 租出去五年, 都係近半年因疫情關係吉左幾個月, 喺2020年9月已經能出租番. 最大問題係其他雜費貴, 例如管理費, 傢俬損耗,  letting fee, VAT等等. 再加上交稅, 回報可能只有4-5%

另外難嘅係賣樓, 英國apartment, 二手成交好低, 新供應又多, 好彩啱啱呢半年有Stamp Duty Holiday, 50萬磅以下唔使俾stamp duty, 所以放盤一日已經confirm左賣俾另一個香港人, 如果唔係我都唔知要放幾耐. 仲要賣英國樓, 係冇細訂大訂, 到最後一日話反口唔買都得, no penalty. 佢哋可能講信字, 但係對賣家就冇哂保障

香港樓 - 港島區, 地鐵站3分鐘. 原本以為好快賣出, 不過可能單位細, Studio flat, 之前出租, 一個月已經攪掂, 依家放賣, 竟然放咗5個月, 終於元旦日賣出

雖然成交價俾心目中嘅相差6%, 不過既然都升左88%, 冇需要賺盡, 咪當下手買家有多d升值空間, win win

並唔係睇淡樓市, 反而覺得樓價已見底. 不過既然自己仲有自住樓, 而且樓嘅capital gain仲係咪好似以前咁多, 我就會懷疑

賣樓轉股呢個睇法同偶像黃國英先生係一致, 可能大家都相信自己可以喺市場搵到錢, let’s see

https://youtu.be/AAdR5iYpoMY

依家要諗點樣好好利用回籠嘅錢. 目標年回報係收租嘅2倍, 又冇雜費, 又唔駛交稅, 淨收入應該有3倍, 不過就冇左capital gain

https://www.facebook.com/groups/113563634016