小小小溶斷

剛經歷嘅跌市, 我稱之為小小小溶斷, 去提醒自己市場嘅快速變化

今次跌市, 無論幅度, 寛度, 時間度, 同自己嘅驚恐度, 比年初四溶斷相比, 大概係十分之一左右。四溶斷俾我嘅係絶望感覺, 瀝瀝在目

其實自六月中嘅調整, 七八月一直沒有像樣的下調。今次嘅下跌係預期之內, 不過唔知幾時出現, 所以由八月中開始, 我嘅高IV short put, 已經由做兩三星期至一個月, 縮短去做一星期. 就算要接貨, 一星期便分勝負, 唔駛又捱價, 又捱時間, 而係可以馬上處理已接手股票

可惜到依家仲未搵到可以好好對沖手上盤嘅方法, 佛系嘅就有三種:

1. 喺極度不安時, 而倉位NLV喺高處, 狠狠做一次核爆, close哂所有positions, 慢慢再開番一啲高質素short put. 咁做可以將之前不穩陣嘅倉處理咗

2. IV 高嘅options, 用一星期分勝負. IV低嘅就開一個月. 優質股票嘅甚至乎strike price向上開, 同開三至六個月, 目的係短中長線都有, 分散風險

3. 每個月月尾將收取左嘅期權金, 攞十分之一去long call下月到期嘅UVXY做保險. 根據今次小小小溶斷黎講, long call 值由大概兩蚊升到七蚊, 即係買兩萬, 會升去七萬。如果冇事, 咪當買保險, 回饋市場

暫時會用方法二, 方法三會用paper trade, 方法一留俾我隊友, lol

人生下半場, 使用第二技能

很感恩中學到大學都已有喜愛科目, 出嚟做嘢都係喺呢方面發展, 我稱之為第一技能。人生上半場總算不過不失

同時, 經過十多年磨練, 第二技能開始成型, 人生進入下半場, 亦係使用第二技能嘅時候

幾時可以賣到樓

點解要賣樓? 唔係自住果間, 係收租果間

6M收租樓, 收15,000一個月, 一年收180,000. 未計要交稅
6M錢, 分12手, 用MSFT去計, 每月用50萬買一年後expire stock option, 每月收40,000, 年收480,000, 同埋唔駛交稅 !

咁我應該揀邊樣？

當然樓有capital gain, 不過已經係以前嘅事, 好似話HSBC係收息股咁, 都係以前嘅事
同埋自住果間都可以有capital gain啫

起碼我分12手, 每月可以揀唔同stock, 唔同嘅strike price, 靈活好多
想再減低stock option買入risk, 可以將6M分52星期, 每星期trade一次, 平均成本法. 又或者今個月買MSFT, 下個月買AT&T.

計完哂條數, “幾時可以賣到樓”

投資AT&T, INTEL 年回報可以+20% ?

當然唔係買正股啦 ....

是咁的....
9月 T (AT&T) & INTC (INTEL) at the money short put 價如下:
T - $2.1 strike price $30 on 18 Sep (4 months)
INTC - $5.55 strike price $60 on 18 Sep (4 months)

年回報便如下:
T - $2.1 / $30 x 3 = 21%
INTC - $5.55 / $60 x 3 = 27%

睇番52週低位, 分別係 $26 & $42.8, 你大概預算到可以去到幾低

點解揀呢兩隻, 點解唔買TSLA, 回報仲高啦。
原因係IV低, 遠期期權風險相對較低, 接貨機會又較低。要買TSLA, 可以用短期期權貼近市場去操作, 風險會較低
正如我地資產配置一樣, 有部份進取, 部分保守, 遠期低IV可以係保守資產之一, 而又輕鬆獲得+20%年回報

收復失地

收復失地未係我住, 係NASDAQ。NASDAQ 上年年終收8972, 禽日(7 May)收8979。
我d正股+期權倉其實都破咗頂, 依家只係幫補緊收息股, 拉低咗整體回報

同兩個friends傾吓傾吓, 自己跳出少少comfort zone, 開始做多d其他二線股 (DAL, LVS) 同遠期at the money SP。理論上股價半年後就算不變, 都有+20%年回報, 真係好過收息。

下一章週末再記錄。