今年開局不順, 殺高估值, 受通脹及加息影響, 一月份最多 -13%, 好傷.
當見到好多股票, 只要市場唔like, 可以高位下跌幾十個百分點 (NFLX -51%, FB -44%, SE -60%, SQ -47%, NET -42%), 有一刻覺得好似2000年科網股, 踏入加息周期, 被加6次息而刺破, 當年指數可以高位下跌70%, 想起都心寒.
踏入二月, 儍強開戰, 被踩多一腳.
於是整理一下思緒, 思考未來數月市場形勢會怎樣走, 痛定思痛, 將一眾高估值科技股從watchlist移除, 減少受股價波動而影響決定, 然後定下策略, 選擇以Tesla為核心持倉, 集中SP SC. 當時想, 目標今年Tesla總有機會升回$1000.
然後計算如果以$1000為回本做目標, 自己可以持有幾多手, 接貨價應該是多少. 當short put 到價被assigned, 正, 開weekly covered call.
只要手上有足夠股數, 今年內Tesla股價回到$1000, 便能回到家鄉, 而過程中每週weekly SP SC 所獲得的premium 就是 profit.
策略既然已定好, 於是將其他失效股票期權慢慢累積資金及buy power, 轉倉入Short Put weekly Tesla. 如是者, 由二月開始集中Tesla交易 short put & covered call, 就算三月倉位曾經 -15%, 股價曾跌穿過 $700, 但因為有路線圖, 反而心定了下來, 沒有恐慌
股價亦從三月中$7xx, 有驚無險, 今個星期終於升穿$1000. 倉位YTD亦順利返家鄉, 變回正數 !
當然中間不乏幸運元素, 萬一Tesla不是上升, 而是繼續下跌到$500, 我又可以怎樣?
失敗並不重要, 最重要是檢討, 修正, 前望. 李嘉誠先生説過: “如果成功有秘方，必定是對成功的欲望大於對失敗的恐懼”
期權是一種工具, 倉位管理/控制槓桿/救倉才是一種策略, 要跟據不同市況, 形勢而調整, 再用期權配合
當然啦, 如果Tesla今天仍然是$700, 我都沒有機會出post.
